EPHEMERIS V

Notícia sobre novos atentados e mortes na Síria.


NUNTII 

---

De nova caede Syriaca

Indutiae fragiles quas Unitarum Nationum Coetus et Praeses rei publicae Syriacae Bashar Al Assad pacti sunt, Russiae hortatu, aegre permanent: arma plerumque silent, sed ex pacto etiam apparatus armorum et copiae deducendi erunt. Aliqui utique, indutiis inceptis, nuntiantur vi perisse.

In urbe Syriaca Homs nudius tertius, nonnullis horis ante indutias, vespere, nova caedes patrata est: LI cadavera civilium quorum XXVI pueri, XXI feminae, ceteri viri, reperta sunt. Altera faucibus praesecatis, altera sica toto corpore vulnerata. Nuntiis televisificis regiminis auctoritates tromocratas caedis accusaverunt, seditiosi contra militibus sectatoribus Praesidentis Assad huius rei culpam tribuerunt. Ut diligentius a quodam seditioso narratum est, aliqui pueri videntur capite percussi esse, quaedam puella mutila, feminae stupratae antequam necatae sint. Ante nonnullas horas imagines taeniae cinematis vagantes in interrete horrendam caedem vulgaverunt: multa cadavera oculis apertis, cuiusdam pueri unus oculus integer ostenditur, sed ab altero pars cerebri exeuntis. Alia autem amplis ustionibus, alia foramine glandis in capitis fronte. Quae cuiusque belli immanitatis et saevitiae exemplaria exstitisse videntur.

Militiae regiminis feruntur colligi et augeri apud oppidum Idlib spectans inter septemtriones et occasum solem in Turcarum confinio, impetum in rebelles paraturae. A mense Aprili praeteriti anni circiter novem milia numerantur bello intestino perisse, quando tamen caedes desitura sit incertum est.

Scripsit Lydia Ariminensis - 14/04/2012 10h06

APRENDENDO AO REDOR DA MESA

POR A MESA = MENSAM STERNERE

POR NA MESA = MENSAM APPONERE; PONERE

POR-SE À MESA = DECUMBERE; DISCUMBERE

ESTAR À MESA = CUBARE

SERVIR À MESA = MENSAM MINISTRARE

LEVANTAR-SE DA MESA = A MENSA SURGERE; CONVIVIUM DIMITTERE

LEVANTAR A MESA = MENSAM TOLLERE

Paulo Barbosa

EPHEMERIS [IV]

Anúncio da morte do latinista belga, Erkki Palmén.


VITA LATINA 

Nuntii de orbiculo Latinitatis Vivae fautorum.

---

Ericus Palmen

A Belgica per Gaium Licoppe et Paulum Kangiser didicimus Ericum Palmén mortuum esse, illustrem et doctissimum cultorem et vulgatorem Finnicum linguae Latinae, cui multum nos Ephemeridis scriptores debemus. In Vicipedia haec pauca invenimus, praeter eius longum librorum indicem:

Doctor Ericus Palmén (Finnice: Erkki Palmén), natione Finnus, est scriptor latinus hodiernus. Die XXVIII mensis Novembris anni duodebismillesimi dissertationem Latinam publicae censurae subiecit cui titulus: "De adverbiis pronominalibus localibus Latinis studia syntactica et semantica."

Cum erat lector linguae latinae in Universitate Granivicensi sive Jyväskyläensis, edidit cum aliis librum cui titulus "Ad Fontes". Scripsit in variis commentariis Latine, praecipue in Melissa. Palmén est lector emeritus linguae Latinae apud universitatem Jyvaeskylarum.

Ego Herimannus animo motus haec incitamenti verba relego ex privatis litteris cum Erico habitis, cum Ephemeris nondum edebatur:

Forte fortuna in singulos annos crescit eorum numerus, qui intellegunt institutionem Latinam esse rem potius dynamicam quam staticam: non obstinate in solis veteribus rationibus didacticis perseverare oportere, sed unicuique nostrum coniunctis viribus in eas aliquid novi afferendum esse, quo efficacius adulescentes ad studia Latina excitentur. Hodie LATINITAS, quae in civitate Vaticana divulgatur, haudquaquam sola est ephemeris Latina; inter alias commemorari debent VOX LATINA Saravipontana ac MELISSA Bruxellensis, per quas ambas lectores certiores fiunt de "Feriis Latinis" et seminariis vivae Latinitatis quotannis instituendis (plerumque singulas septimanas duraturis). Fortasse aliquando in tali seminario conveniemus et varias res inter nos Latine communicare poterimus! Cura, ut Latinissime valeas! ERICUS.

Granivici sive in urbe Jyväskylä a.d.XI Kal.Mart. anno MMIV

Tu quoque in altero mundo, Erice!

EPHEMERIS [III]

Notícia sobre a visita de Bento XVI à Cuba, ocorrida em 26 de março.

NUNTII 

---

De Papae itinere Cubam

Confecto itinere in Mexicum , Benedictus XVI cum in insulam Cubam pervenisset, Missam celebravit, cui adfuit etiam Praeses Raul Castro, Sancti Iacob Cubae, quo convenerunt duo centum milia Christianorum; “Civitas omnibus aperta creanda est”, ut ait post Missam Papa, sed interea numerus dissidentium comprehensorum hic auget.

Hesterno die in colloquium secretum venit cum Fideli Castro “Principe Maximo” factionis communistae. Relinquens insulam, antequam profectus esset, Benedictus libertatem postulavit dissidentibus sed eodem tempore commercii interclusionem effectam Foederatis Americae Civitatibus valde reprehendit. Ut videtur, in colloquio, Fidelis, prope aequalis Papae, graviter aeger, rogavit quid Papa faceret; Benedictus, respondens operam dandam esse ut Christiani ad unitatem redigerentur, negavit se abdicaturum esse, cum ei etiam dum vires essent ad officium explendum, a quo praeterea dux dono dicitur libros accepisse.

Aliqui ad Deum conversionem principis communistae suspicantur, quamquam is, ex familia catholica natus, numquam excommunicatus est; filia ducis negat patrem converti posse: “Ille se immortalem existimat”.

Scripsit Lydia Ariminensis - 29/03/2012 23h08

EPHEMERIS [I]

O primeiro tópico em latim, retirado do jornal eletrônico  Ephemeris [http://ephemeris.alcuinus.net/nuntius.php?id=785] foi deletado acidentalmente. Por isso, aqui novamente a notícia sobre as mortes ocorridas na França, em frente a uma escola judaica, de um professor e três crianças.

NUNTII 

---

Cruor effunditur apud scholam Judaicam

Lunae die Tolosae, in urbe Francogalliae meridionali, vir solus mane in scholam Judaicam inopinate sclopetavit, cum maximus populi concursus esset, magistrum eiusque duos liberos cum alio puero interficiens, adolescentem vulnerans. Scelus apud scholam Ozar Hatorah appellatam factum est, in Tolosae suburbio. Sicarius celeriter birotula automataria effugit. Rei publicae praesidens confestim in urbem percussam se contulit, aggressionem ut "totius patriae tragoediam" ratus. Rabbi summus Gallicus Gilbertus Bernheim se facinus abhorrere et mirari confessus est; Israëlis regimen ex auctoritatibus Gallicis petit, ut reos in iudicium quam primum deferant.

Ante paucos dies tres milites ignota causa eadem Galliae regione interfecti erant, forsitan ab eodem viro - ita putant indagatores.

Scripsit Herimannus Novocomensis - 20/03/2012 17h49

EPHEMERIS [II]

Tópico sobre a Guerra das Malvinas, conflito entre a Grã-Bretanha e Argentina ocorrido no começo dos anos 80 pelo controle de um pequeno arquipélago no Atlântico Sul, as Malvinas, conhecidas em inglês por Falklands. 

POLITICA

---

Bellum Malvinense abhinc 30 annis indictum

Insularum Malvinarum historia (has Falkland vocant Britanni) initium cepit eo tempore cum nautae Hispani circa annum 1520 circum terrarum orbem itinera conarentur, insulasque vacuas et desertas viderunt. Saeculis sequentibus, Hispania et Francia et Britannia et Argentina aut istuc incolas adveherunt aut totam de insulis potestatem sive summatum diversis causis sibi poposcerunt; hae insulae duae sunt et amplae, fretu sepositae, ubi pecudes bene pascuntur et receptacula petrolifera sub terra haberi putantur. Anno vero 1833, dum Argentini inter se de republica acriter disputabant, Britanni in utraque insula, incolis adductis, colonias condiderunt.

Postea vero, secundo bello mundano finito, Nationes Unitae insulas Malvinas non autonomas sed Britannicae potestati subiectas decreverunt. Argentini, qui has insulas ab Hispanis hereditate acceptas iudicabant, Britannicam potestatem aegre ferebant, quamvis plurimi incolae vel Britanni vel Britannorum erant progenies.

Abhinc triginta annis rempublicam Argentinam Generalis Leopoldus Fortunatus Galtieri tenebat, cui, rebus politicis adversis, populus in dies favorem detrahebat; itaque (ut plus semel in historia accidit) conflictionem internationalem cum vicina Chilia paravit, eo consilio ut bello inminenti a suis civibus auxilium adipisceretur; tamen Summus Pontifex Ioannis Paulus II mediator intervenit et, pactionibus inter duas nationes sancitis, bellum vitavit. Nihilominus ipse Galtieri eiusque Minister Nicanor Costa Méndez ad insulas Malvinas arma tunc collinearunt, quas die 2 mensis Aprilis anni 1982 invaserunt, gubernatorem Britannum deposuerunt. His rebus cognitis, Margarita Thatcher, tunc Ministra primaria quam Dominam Ferream vocabant, decrevit insulas recuperare et classem eo misit ut incolis Britannis auxilium ferret et summatum retineret; inde bellum per dies 74 est perductum, Argentinis septingentis undequinquaginta (749) Britannis ducentis quinquaginta quinque (255) mortuis, usque tandem insulas Britanni denuo potiti sunt. Itaque non solum Argentini sed praesertim Generalis Galtieri victus est, qui rempublicam deserere adductus, a civibus vituperatus, in vitam privatam incedere debuit. Argentini tamen per legatos sive diplomaticos ubique in America affirmare non desinunt Malvinas esse proprias, et a reliquis summatum Argentinum agnosci debere; de argumentorum autem viribus Ephemeris non diudicat, quae sunt nationum; sed non displicet ipsos incolas utram nationem malint plebiscitu posse proferre.

Scripsit Paulus Kangiser - 02/04/2012 21h34

ADJUNTO ADVERBIAL DE MODO

O ADJUNTO ADVERBIAL DE MODO exprime-se, em latim, de vários modos:

1. Pelo ablativo com a preposição cum; quando, porém, acompanhado de adjetivo, coloca-se simplesmente no ablativo sem a preposição.

Cum febri domum rediit (Cícero, De. Or., 3,2) = Voltou para casa com febre


Magno cum metu incipio dicere (Cícero, Cluent., 18) = Começo a falar com grande medo


Moreretur acerbissima morte (Cícero, Rab. Post., 5) = Morreria com morte crudelíssima




2. Com a preposição per ou in e acusativo:

Per vim = à força

Per cruciatum = sob tormento

Per dolum = à traição

Per colloquium = por meio de uma entrevista, em conversação

Mirum in modum = de um modo admirável




3. Sem a preposição cum:

Modo, more, ritu = à maneira de, como


Habitu = com aspecto de


Ordine = por ordem


Iure, iure meritoque, iure ac merito = justamente


Iniuria = injustamente - [pode ser também: per iniuriam] 


Dolo = à traição


Fraude = com fraude


Vi = pela força


Silentio = em silêncio


Clamore = com barulho, com algazarra


Arte = com arte


Casu = por acaso


Ioco = por brincadeira - [pode ser também: per iocum e ioci causa]

Vitio = irregularmente

Pedibus = a pé




4. As expressões que significam sentimento, intenção, condição e parte do corpo, não levam preposição:

Aequo animo = de bom grado


Eo consilio (ut) = com o intuito de


Hac mente (ut) = com a intenção de


Ea lege (ut) = com a condição de


Ea conditione (ut) = com a condição de


Nudo capite = com a cabeça descoberta


Maxima barba = com a barba muito crescida


Promisso capillo = com o cabelo comprido


Passis crinibus = com o cabelo desgrenhado


Paulo Barbosa

ADJUNTOS ADVERBIAS DE FIM E COMPANHIA

O ADJUNTO ADVERBIAL DE FIM, em latim, pode ser expresso, geralmente, de duas maneiras: pelo dativo ou pelo acusativo com ad, in:

Aedui imperio nati erant (César, B.G. VII,37) = Os Éduos tinham nascido para reinar

Linteum extersui (Plauto) = Lenço de limpar

Pabulum ovibus (Catão, Agr., 5,3) = Pasto para as ovelhas

Receptui signum (Cícero, Ph., 13,15) = Sinal de retirada

Ad statuam pecuniam contulerunt (Cícero, Verr. 5,77) = Trouxeram dinheiro para a estátua

O ADJUNTO ADVERBIAL DE COMPANHIA, por sua vez, exprime-se pelo ablativo com a preposição cum, ou com as expressões: una cum, simul cum:

Quaeso, ut una mecum eas (Plauto, Mil., 2,1,61) = Peço-te que vás comigo

Senatus auctoritas, simul mecum reducta est (Cícero, Dom., 7) = A autoridade do senado foi restituída juntamente comigo

Una cum legatis Commius Atrebas venit (César, B.G. 4,27,1) = Juntamente com os embaixadores veio Cómio Atrébate

Paulo Barbosa